U S to give USD 50 m for over 700,000 Burmese IDPs (Internally Displaced Persons)
RFA Burmese News
မြန်မာပြည်သူ ခုနစ်သိန်းကျော်အတွက် အမေရိကန်က ဒေါ်လာသန်း ၅ဝ ကူညီ
2021-08-10
ကုလသမဂ္ဂဆိုင်ရာ အမေရိကန်သံအမတ်ကြီး Linda Thomas-Greenfield။
File Photo: AFP
မြန်မာပြည်သူတွေအတွက် လူသားချင်း စာနာထောက်ထားမှု အကူအညီ ဒေါ်လာသန်း ၅၀ ကျော် ပေးအပ်မယ်လို့ ထိုင်းနိုင်ငံကို ရောက်ရှိနေတဲ့ ကုလသမဂ္ဂဆိုင်ရာ အမေရိကန်သံအမတ်ကြီး Linda Thomas-Greenfield က သြဂုတ် ၁၀ ရက် ဒီနေ့ ကြေညာလိုက်ပါတယ်။
ဒီအကူအညီတွေဟာ အကြမ်းဖက်ဖိနှိပ်မှုတွေကြောင့် ထွက်ပြေးတိမ်းရှောင်နေရသူတွေ အပါအဝင် အကူအညီလိုအပ်နေတဲ့ မြန်မာပြည်သူတွေအတွက် ဖြစ်တယ်လို့ ဆိုပါတယ်။
နိုင်ငံတွင်းက ထွက်ပြေးရသူတွေ (ဒါမှမဟုတ်) နေရပ်စွန့်ခွာ ထွက်ပြေးရသူတွေ အပါအဝင် မြန်မာပြည်သူ ၇ သိန်းကျော် အရေးပေါ်လိုအပ်နေတဲ့ စားနပ်ရိက္ခာ၊ အသက်ရှင်ရပ်တည်ရေး၊ နေရေးထိုင်ရေး၊ ကျန်းမာရေးကိစ္စတွေအတွက် နိုင်ငံတကာနဲ့ အစိုးရမဟုတ်တဲ့ အမေရိကန်ရဲ့ မိတ်ဖက်အဖွဲ့အစည်းတွေက ကူညီနိုင်မှာဖြစ်တယ်လို့ သံအမတ်ကြီး သောမတ်စ်-ဂရင်းဖီးလ်ရဲ့ ထုတ်ပြန်ချက်မှာ ပါရှိပါတယ်။
